ព្រះរាជទាយាទជាទីស្រឡាញ់ ភាគទី០៥

អេរីសា នៅឈរលួងលោមស្រីបម្រើទ្រង់មួយសន្ទុះ រួចក៏ប្រញ៉ាប់នាំព្រះកាយយាងចាកចេញទៅ ដោយមិនបានចាប់អារម្មណ៍ពីរអ្នកដែលកំពុងតែតាមសម្លឹងមើលទ្រង់រហូតមកតាំងពីរចម្ងាយទាល់តែសោះ។

ស្នាមញញឹមនិងកាយវិការដ៏គួឱ្យស្រឡាញ់របស់ទ្រង់ សុទ្ធតែត្រូវប្រទះឃើញដោយមនុស្សប្រុសរូបសង្ហាម្នាក់ ដោយមើលទៅតាមការតុបតែងខ្លួនជាមួយនិងឯកសណ្ឋានមើលទៅទំនងជាអ្នកមានមុខ មានមាត់ដែលប្រកដណាស់ គេតាមមើលដំណើររបស់ព្រះនាងចាកចេញទៅ ទាំងទឹកមុខហាក់ដូចជាកំពុងតែលង់ស្នេហ៍ ជាមួយសម្រស់និងស្នាមញញឹមរបស់ទ្រង់យ៉ាងចឹង។

"មិននឹកស្មានថាលោកឧត្តមសេនីយ៍ ជីន ក៏នៅត្រង់នេះដែលសោះ" ចេស្មីន ទ្រង់មានបន្ទោលឡើងខណ:ដែលនាយកម្លោះកំពុងតែស្លុកអារម្មណ៍មើលទៅអ្នកខាងណុះមិនបានចាប់អារម្មណ៍ឃើញទ្រង់យាងមក។

ស៊ុកជីន ហាក់ភ្ញាក់ខ្លួនមិនតិចនោះទេ កាលបើនៅសុខៗស្រាប់តែលឺសម្លេងបញ្ញាក់នៅពីរក្រោយទាំងមិនបានត្រៀមខ្លួនមុនបែបនេះនាយកម្លោះក៏ប្រញ៉ាប់អោនខ្លួន អោបដៃជាប់នៅប្រឡោះភ្លៅគោរពជាគំនាប់ មុននិងនិយាយប្រយោកឆ្លើយតប÷

"សូមព្រះនាងរាជទានទោស អម្បាញ់មិញទូលបង្គំភ្លេចខ្លួនទើប...អឺ..."

"មិនអីទេ.." ចេស្មីន ទ្រង់មានបន្ទោលទាំងញញឹមលាក់គំណួតក្នុងចិត្ត ទ្រង់អោបដៃខ្វែងទ្រូងញញឹមឈានជើងដើរប៉ុន្មានជំហ៊ាន កែវភ្នែកក៏សម្លឹងទៅកាន់នាយកម្លោះលើផងក្រោមផងដូចជាកំពុងតែគិតអ្វីម្យ៉ាង...

"លោកពេញចិត្តនាងមែនទេ?"

"ទូលបង្គំមិនហ៊ានទេ" ស៊ុកជីន ប្រញ៉ាប់ឆ្លើយទាំងញ័រមាត់ ព្រោះនាយក៏ដឹងថាមនុស្សដែលនាយកំពុងតែសម្លឹងឃើញមានឋាន:ជាអ្វី ហើយរឹតតែមិនហ៊ាននោះគឺ ដោយសារតែនាយដឹងច្បាស់ថាមនុស្សដែលគេកំពុងតែចាប់ចិត្តគឺជាអនាគត ព្រះមហេសីនៃចក្រភពអង់គ្លេសនេះដូចគ្នា។

"ហាសៗ...លោកលាក់ខ្ញុំមិនជិតទេ លោកឧត្តមសេនីយ៍ ជីន" ចេស្មីន ទ្រង់មានបន្ទោលទាំងសម្លេងសើចរលាក់ចេញមកយ៉ាងជឿជាក់ផង រួចទ្រង់ក៏នាំព្រះកាយយាងចេញទៅទាំងសើចងើយករ ដោយស្រីបម្រើទ្រង់ក៏ដើរអមទៅតាមក្រោយផង។

ហ្វីលីក ដើរចេញមកពីរដំណាក់របស់ស្តេច គ្រីស្ទាល់ ឈានជើងប្រុងនិងដើរចេញទៅហើយ ប៉ុន្តែក៏ត្រូវឈប់បង្អាក់ដំណើរ ខណ:ដែលព្រះនាង អេរីសា ទ្រង់ស្រាប់តែយាងមកដល់នៅចំពោះមុខល្មម។

"ព្រះនាង..." ហ្វីលីក អោនក្បាលគោរពជាគំនាប់ កាលបើម្ចាស់កាយតូចល្អិតក៏ដើរចូលមករកលោកកាន់តែជិតទៅហើយនោះ។

អេរីសា ទ្រង់ហាក់មិនខ្វល់ជាមួយនិងអ្នកដែលនៅចំពោះព្រះភ័ក្ត្រទ្រង់នៅពេលនេះទាល់តែសោះ ទ្រង់ហាក់អើតលើមៗសម្លឹងទៅរកទ្វាដំណាក់ដូចជាកំពុងតែផ្ទៀងសម្លឹងរកមើលអ្វីម្យ៉ាង។

"ព្រះអង្គទ្រង់កំពុងតែរវល់រាជកិច្ចមែនទេ?" អ៊ែលឡា ដែលជាស្រីបម្រើជីនិតកាយព្រះនាងក៏សួរឡើង ខណ:ដែលលោក ហ្វីលីក ឯណុះក៏ហាក់ឆ្ងល់ជាមួយនិងកាយវិការរបស់ព្រះនាងដូចគ្នា។

"ទ្រង់ផ្ទំបាត់ហើយ" ហ្វីលីក ឆ្លើយទាំងមានមន្ទិលនៅក្នុងចិត្តមិនទាន់ស្រាយចេញ ហេតុអីក៏សុខៗព្រះនាងទ្រង់បែជាមកចង់ចូលកលព្រះអង្គបែបនេះទៅវិញ មើលទៅរឹកពាទ្រង់ហាក់ចម្លែកៗ រឺក៏ទ្រង់ចង់ទូលព្រះអង្គពីរអ្វី? ហ្វីលីក ឈរសញ្ជឹងគិតម្នាក់ឯង ព្រោះតែកាយវិការរបស់ព្រះនាងដែលបង្ហាញចេញមកខុសប្រក្រតីពេកហើយ ទើបធ្វើឱ្យលោកកើតមន្ទិលក្នុងចិត្តបែបនេះ។

អេរីសា ទ្រង់ហាក់ទម្លាក់ទឹកព្រះភ័ក្ត្រចុះភ្លាមៗ ដោយគ្រាន់តែបានលឺពាក្យថា ព្រះអង្គផ្ទំ!! ដឹងទេថាទម្រាំតែទ្រង់លួងលោមស្រីបម្រើរបស់ទ្រង់ឱ្យជូនទៅបាននោះ ទ្រង់ត្រូវចំណាយទុនប៉ុណ្ណាដែលទេ ហើយពេលនេះ ទ្រង់ផ្ទំ!? ចឹងមានន័យថាព្រះនាងលែងបានចេញទៅហើយមែនទេ? បើសិនជាទ្រង់អាចយំហ៊ូនៅត្រង់នេះបាន ទ្រង់យំមែនហើយ។

"ទ្រង់មានកិច្ចការអ្វីសំខាន់ជាមួយព្រះអង្គដែលទេ? ទ្រង់អាចផ្តាំផ្ញើនិងទូលបង្គំក៏បានដែល ចាំពេលព្រះអង្គតើនឡើង ចាំទូលបង្គំជម្រាបថ្វាយ"

"មិនអីទេ...ខ្ញុំលាសិនហើយ" អេរីសា ទ្រង់មានបន្ទោលតបតែប៉ុណ្ណឹងក៏បែត្រឡប់ក្រោយទាំងសោកស្តាយ ព្រះភ័ក្ត្រទ្រង់ពេលនេះគឺយ៉ាប់ជាងកាលពីរម្សល់មិញ10ដង នេះមានសង្ឃឹមថាបានចេញក្រៅហើយ តែចុងក្រោយនៅតែអត់ដដែល។

អេរីសា ទ្រង់យាងចេញទាំងទឹកព្រះភ័ក្ត្រស្រពប់ស្រពោនខុសដាច់ពីរពេលដែលទ្រង់ទើបតែយាងមកនោះ តែឱ្យធ្វើយ៉ាងមិចទៅ? ទីនេះគឺជាចក្រភពអង់គ្លេស មិនមែនកាណាដាទេ ទ្រង់មិនអាចធ្វើអីតាមតែព្រះទ័យដូចមុនបានឡើយ ទ្រង់អាចធ្វើបានត្រឹមតែយាងចេញមកទាំងមិនអស់ចិត្តតែប៉ុណ្ណឹង។

"អេ៎..!!" សម្លេងបន្លើរចេញមកពីរខាងក្រោយ ខណ:ដែលព្រះនាងទ្រង់ក៏មិនបានយកព្រះទ័យទុកដាក់នោះដែល ទ្រង់គិតតែពីរស្រងូតស្រង៉ាត់យាងចេញទៅបន្ត ព្រោះគិតថាប្រហែលជាស្រីបម្រើហៅគ្នាធម្មតា។

កាយវិការទាំងនេះក៏ហាក់ធ្វើឱ្យអ្នកដែលស្រែកហៅមុននោះក្តៅស្លឹកត្រចៀកមិនស្ទើនោះទេ…

"ព្រះនាង អេរីសា!!" ចេស្មីន ទ្រង់ស្រែកឡើងយ៉ាងមួយទំហឹង ខណ:ដែលម្ចាស់ឈ្មោះឯណុះក៏ហាក់ងាកបែមករកទាំងភ្ញាក់ផ្អើលដូចគ្នា។

"អ្នកណាហៅឈ្មោះខ្ញុំមិញនេះ អ៊ែលឡា ឯងលឺទេ?" អេរីសា ទ្រង់ងាកបែរកមើលក្បែរៗនោះ មុននិងចោទសំណួរសួរទៅកាន់ស្រីបម្រើរបស់ទ្រង់។

ចេស្មីន ទ្រង់ក៏យាងចេញមកពីរផ្លូវម្ខាង បង្ហាញព្រះភ័ក្ត្រនៅចំពោះមុខតែម្តង ដោយមានទាំងអ្នកបម្រើឆ្វេងស្តាំដើរអបមកជាមួយផង ទឹកព្រះភ័ក្ត្រទ្រង់ហាក់ញញឹមញញេមលាយឡំជាមួយនិងកំហឹងយ៉ាងមិចក៏មិនដឹង ខណ:ដែលទ្រង់ក៏យាងមកកាន់តែជិតកាយអ្នកដែលឈរសម្លឹងទ្រង់មិនដាក់ភ្នែកនោះ។

"ហេតុអីក៏ខ្ញុំហៅមិនឆ្លើយ?"

"ហៅខ្ញុំមែនទេ? ខ្ញុំលឺអេៗ ខ្ញុំស្មានតែមនុស្សគ៌គេនិយាយគ្នាទើបមិនចាប់អារម្មណ៍" អេរីសា ទ្រង់មានបន្ទោលរួចក៏លើកចិញ្ចើមម្ខាងញញឹមឌឺ វាពិតមែនហើយ បើហៅមនុស្សច្បាស់ជាមានឈ្មោះហើយ អេអឺៗបែបនេះ គឺជាភាសារមនុស្សគ៌មិនចឹង?

"ចុះនាងជាអ្នកណា? ហៅឈ្មោះខ្ញុំពេញយសបែបនេះ មានការអីធំដុំមែនទេ?"

\=\=\=\=\=\=\=\=\=\=\=\=\=\=

by : 💚Yufing💚

***Download NovelToon to enjoy a better reading experience!***