Di kerasnye kehidupan pinggiran Betawi, ada bocah tengil bernama Jambul yang mulutnye ceplas-ceplos tapi nyalinya kagak kalah sama jagoan gede. Bareng gurunye yang nyentrik, si Babeh Kribo, Jambul belajar silat, akal-akalan, sampe cara bertahan idup di dunia yang penuh tipu daya.
Dari satu masalah ke masalah lain, Jambul sering kejebak urusan sama rampok, buronan, sampe rahasia gelap yang ngumpet di balik hutan dan kampung. Tapi dengan gaya santai, tingkah kocak, dan kemampuan yang makin hari makin jadi, dia pelan-pelan ngebuktiin kalo dirinya bukan bocah sembarangan.
Penuh tawa, bahaya, dan ambisi, perjalanan si Jambul jadi kisah seru tentang keberanian, kecerdikan, dan mimpi besar… walau kadang dimulai cuma dari niat sederhana: nyari duit sama petualangan.
Karya ini diterbitkan atas izin NovelToon Bang Jigur, isi konten hanyalah pandangan pribadi pembuatnya, tidak mewakili NovelToon sendiri
Pat kua
Jambul sama Ipeh akhirnya sukses dapet tujuh ekor ikan mas gede-gede. Tangannya merah-merah gara-gara kena sisik sama hantaman air, tapi senyumnya lebar banget.
Malam itu, di depan goa, suara api unggun berderak-derak. Wangi ikan bakar yang lemaknya netes ke bara api bikin perut makin keroncongan.
“Nah, begini kan enak. Murid kerja, guru tinggal mangap,” celetuk Babeh sambil nyomot ikan yang paling gede. “Peh, lu punya bakat. Kaki lu udah mulai anteng di atas tali. Besok, kita buka bungkusan rahasia bapak lu.”
Ipeh cuma ngangguk sambil ngunyah, matanya berbinar kena pantulan api. Sementara Jambul sibuk kipas-kipas ikan sambil sesekali curi pandang ke Ipeh. Ada rasa bangga, tapi ada juga rasa saing yang mulai tumbuh.
Keesokan Paginya...
Udara masih sejuk, embun masih nemplok di ujung daun. Babeh udah berdiri tegak di atas batu datar yang agak luas, tangannya nggak megang apa-apa, tapi auranya beda banget sama pas dia lagi mandi di sungai. Lebih tajem, lebih tenang.
“Mbul, lu duduk di situ! Diem! Jangan ngedip!” perintah Babeh. “Hari ini gua mau nurunin dasar Kungfu Pat-Kua (Ba Gua) yang dulu bapaknya Ipeh ajarin ke gua. Ini ilmu khusus buat orang yang punya badan luwes kayak Ipeh.”
Jambul nurut, dia duduk sila di bawah pohon sambil megang dagu. Dia penasaran, ilmu apaan sih yang bikin gurunya sampe hormat banget sama almarhum bapaknya Ipeh?
“Peh, maju!”
Ipeh maju dengan ragu. Dia pake baju yang udah diiket kenceng di pinggang biar nggak ngejuntai.
“Kungfu bapak lu itu filosofinya Melingkar. Kalo silat Betawi banyak maen lurus dan hanteman keras, kungfu ini maennya muter. Lu kayak angin topan, kliatannya tenang di tengah, tapi ngerusak di pinggir,” jelas Babeh.
Babeh mulai gerak. Dia nggak mukul, tapi jalannya muter-muter dalam lingkaran kecil. Langkah kakinya kayak ngebentuk angka delapan. Tangannya ngebuka lebar kayak sayap burung bangau, tapi tiap kali dia muter, angin di sekitar batu itu kayak kesedot.
“Liat kaki gua! Jangan napak penuh, pake ujung kaki, geser kayak lu lagi nari di atas minyak!”
Ipeh mulai ngikutin. Awalnya dia kaku banget, malah hampir kesrimpet kakinya sendiri.
“Aduuh, Beh... pusing aye muter-muter mulu,” keluh Ipeh sambil megang kepalanya.
“Tahan pusingnye! Fokus ke ulu hati lu! Bayangin lu itu pusat dunia, dan musuh itu cuma daun kering yang ketiup muter di sekitar lu!” bentak Babeh.
Jambul yang nonton dari pinggir bener-bener takjub. Dia liat Ipeh yang tadinya kaku, lama-lama gerakannya mulai halus. Pas Ipeh muter, kain bajunya bunyinya srat-sret-srat kena angin.
“Mbul! Lu liat baik-baik!” teriak Babeh tiba-tiba. “Sini lu! Serang si Ipeh pake pukulan lurus!”
“Eh? Beneran, Beh? Entar kalo Ipeh lecet gimane?” Jambul ragu.
“Bacot! Serang aje!”
Jambul pun berdiri. Dia narik napas, terus meluncurin satu pukulan Godam Beksi yang lurus dan kuat ke arah bahu Ipeh.
Wush!
Ipeh kaget, tapi teringat kata Babeh soal "Melingkar". Dia nggak nangkis pukulan Jambul. Dia cuma geser kakinya muter setengah lingkaran, badannya miring lembut kayak ditiup angin.
Tangan Jambul lewat gitu aja di samping kuping Ipeh. Jambul yang tenaganya lagi gede-gedenya malah hampir nyungsep ke depan karena pukulannya nggak nemu sasaran.
“Loh? Kok tangan aye kayak ngelewatin asep?” gumam Jambul bingung.
“Itulah Kungfu Pat-Kua! Lu bukan lawan tenaga sama tenaga, tapi lu pinjem tenaga musuh buat bikin dia jatoh sendiri!” Babeh ketawa puas. “Lanjutin, Peh! Kali ini, pas dia lewat, sentil sikutnye!”
Latihan itu terus berlanjut. Ipeh makin lincah, langkah kakinya makin nggak kedengeran suaranya. Jambul yang tadinya ngerasa senior, sekarang mulai keringet dingin. Dia ngerasa makin susah buat nyentuh ujung baju Ipeh sekalipun.
“Gila... ini mah kalo diterusin, aye bisa jadi samsak berjalan buat si Ipeh,” bisik Jambul dalam hati sambil ngerasain kakinya yang pegel gara-gara bolak-balik nabrak angin.
Babeh ngeliatin dari jauh dengan mata menyipit. Dalam hatinya dia ngebatin, "Bo Kian... anak lu emang titisan lu beneran. Dalam sehari dia udah bisa nangkep ruh langkah melingkar. Tinggal dikit lagi... dia bakal jadi maut yang cantik."
Karena tingkat ilmu peringan tubuh si Jambul masih dua tingkat di atas Ipeh, keadaan pelan-pelan mulai berubah. Di awal Ipeh masih bisa muter dan menghindar dengan langkah Pat-Kua-nya, bikin serangan Jambul seperti nabrak angin. Tapi makin lama, ritme itu mulai kebaca.
Jambul mempercepat langkahnya, loncat dari sudut ke sudut dengan gerakan yang lebih tajam dan langsung. Kakinya hampir nggak nyentuh tanah lama-lama, seperti bayangan yang terus ngejar tanpa jeda. Setiap Ipeh muter setengah lingkaran, Jambul sudah lebih dulu nutup jalur berikutnya, bikin ruang gerak Ipeh makin sempit.
Napas Ipeh mulai berat. Langkah melingkarnya masih halus, tapi udah nggak sebebas tadi. Sekali dua kali, ujung lengan Jambul hampir nyentuh bahunya, bikin dia makin waspada.
Sementara itu, Jambul mulai nyengir tipis. “Gimane, Peh… masih mau bikin abang nyungsep lagi?” godanya sambil terus nekan dari berbagai arah.
Ipeh nggak jawab. Matanya fokus, terus muter, tapi jelas keliatan dia lagi didesak. Lingkarannya makin kecil, langkahnya makin rapat, dan untuk pertama kalinya sejak latihan dimulai… dia bener-bener dipaksa bertahan.
Namun buat si Babeh, latihan segitu udah cukup banget. Dari tadi dia merhatiin gerakan dua muridnya—napas, langkah, sampe cara mereka ambil keputusan—dan dia tahu kapan waktunya berhenti sebelum keduanya ambruk beneran.
“Udah, cukup!” seru si Babeh sambil nepuk tangan sekali. “Peh, sini lu.”
Ipeh yang dari tadi ngos-ngosan, keringetnya udah ngalir dari pelipis sampe leher, langsung mundur dari hadapan Jambul. Langkahnya agak goyah, napasnya masih berat, tapi dia tetep jalan nyamperin Babeh.
“Iya, Beh… kenape?” tanyanye sambil ngelap keringet pake ujung lengan.
Babeh ngelirik bentar, terus ngangguk pelan. “Besok kita mulai latihan pake senjata. Nah, sekarang gua tanya… lu paling demen pake apaan?”
Ipeh diem sebentar, mikir, terus jawab dengan nada yakin walau masih capek, “Aye demen pedang, Beh… yang tipis, enteng.”
Babeh langsung nyengir dikit. “Nah, itu baru cocok. Mulai besok gua ajarin lu wushu. Pedang tipis mah butuh tangan luwes sama langkah halus. Pas banget sama aliran lu yang muter-muter itu.”
Mata Ipeh langsung berbinar, capeknya kayak ilang setengah. “Siap, Beh.”
Di samping, Jambul garuk-garuk tengkuk sambil nyengir. “Wah… makin bahaya aje nih bocah nanti,” gumamnye.
Babeh langsung noleh ke mereka berdua. “Sekarang lu pada rehat. Jangan kemane-mane. Jaga ni tempat, paham?”
Jambul langsung nyamber, “Lah babeh mau ke mane lagi?”
“Itu urusan gua,” jawab Babeh santai tapi nadanya teges. “Yang penting, kalo gua balik, jangan sampe ada yang berantakan di sini.”
Ipeh sama Jambul saling lirik bentar, terus barengan ngangguk.
“Siap, Beh.”
Tanpa banyak kata lagi, si Babeh langsung berbalik jalan ninggalin goa. Langkahnya santai, tapi dari sorot matanya… jelas dia bukan sekadar jalan-jalan. Ada urusan yang kudu dia beresin sendiri di luar sana.
