رحمة ربنا

السلام عليكم ورحمة الله وبركاته... عايزه أكلمكم عن رحمة ربنا شويه

عارف يعني إيه رحمة ربنا؟

يعني لما تغلط… ويرزقك بتوبة.

يعني لما تبعد… ويرجعك بحب.

يعني كل مرة تقع، تلاقيه فاتحلك بابه… مستنيك ترجع.

﴿وَرَحْمَتِي وَسِعَتْ كُلَّ شَيْءٍ﴾

كل شيء! تخيل؟ ذنبك مش أكبر من رحمته.

ضعفك مش أغرب عليه… ولا دمعتك بتعدّي من غير ما يحس بيها.

ربنا مش زي الناس… مش بيتخلى، ومش بيزهق، ومش بيقول "كفاية".

ده كل مرة بتقول "يـا رب"… بيرد: "لبيّك عبدي".

لو عارف إنك ندمان… بيرحمك قبل ما تتكلم.

ولو رجعتله بصدق، هيغسلك من كل حاجة كانت وجعاك.

مهما اتكسرت، ربنا يقدر يجبرك.

ومهما تعبت، هو الشافي والمعين.

إياك تفتكر إنك بعيد… هو أقرب ليك من نفسك.

أقرب من قلبك… وأحن من أي حد حبك.

ربنا كريم… بيحب يدي.

وبيحب يسمع صوتك، حتى لو بصوت مكسور.

بيحب يشوفك راجع، ولو ساجد في نص الليل تبكي… هو شايف، وهو سامع، وهو راضٍ.

اللي يعرف ربنا… ما بيضيعش.

اللي يحتمي في رحمته… عمره ما يخاف.

ارمي كل تقلك عليه، واحكي له… هيطمنك، وهيجبرك، وهيحبك.

لأن مفيش أحن من ربنا ♥.

صحابي الحارث بن هشام سأل النبي ﷺ وقال له:

\> "يا رسول الله، الوحي بيجيلك إزاي؟"

فالرسول ﷺ جاوب وقال له:

\> "أحيانًا الوحي بيجيلي زي صوت جرس شديد، والصوت ده بيبقى تقيل وصعب عليّا، لكن بعد ما الصوت يخلص، أكون فاهم كل اللي اتقاللي كويس.

وأحيان تانية، الملك (يقصد سيدنا جبريل عليه السلام) بيجيلي في شكل راجل ويتكلم معايا، وساعتها بسمع الكلام وبفهمه كويس."

وبعد كده السيدة عائشة رضي الله عنها (زوجة النبي ﷺ) بتحكي وبتقول:

\> "أنا شوفته (يعني النبي ﷺ) وهو بينزل عليه الوحي في يوم برده كان شديد جدًا، وبعد ما الوحي يخلص، ألاقي عرق بينزل من جبينه (جبهته)، كإنه عرق جامد جدًا، مع إن الجو برد، وده من شدة الموقف."

\`1. الوحي بيجي بأكتر من طريقة:\`

\*أحيانًا زي صوت جرس شديد:\*

\*ده صوت قوي، أشبه برنين الجرس أو صوت معدن بيتخبط، بيكون صعب على النبي ﷺ يستحمله، وده أصعب نوع عليه، بس بعد ما يخلص الوحي، النبي بيكون حافظ كل اللي اتقالله، كإنه اتسجل في قلبه.\*

\*وأحيانًا بيجي سيدنا جبريل في صورة راجل:\*

\*يعني مش في شكله الحقيقي (لأن جبريل مخلوق عظيم جدًا)، لكن بيتحول لصورة إنسان عادي، وده بيكون أسهل على النبي في الفهم والاستيعاب، وبيتكلم معاه مباشرة.\*

\`2. السيدة عائشة بتحكي موقف حقيقي شافته:\`

\*قالت إنها شافت النبي ﷺ وهو الوحي بينزل عليه، وكان الجو في اليوم ده برد جدًا، ومع كده كانت بتشوف العرق بيتصبب من جبينه، وده دليل على إن الوحي تقيل جدًا على النبي حتى في البرد.\*

\*الوحي مش حاجة سهلة، دي كانت تجربة شديدة على النبي ﷺ، سواء من حيث الصوت أو الحالة البدنية.\*

\*ربنا اختار النبي ﷺ لحمل رسالة عظيمة، وكان بيحصل له تغيير جسدي ونفسي أثناء نزول الوحي.\*

\*ده كمان بيورينا قد إيه النبي ﷺ كان بيجتهد ويتعب علشان ينقل لنا الدين، وده يخلي عندنا تقدير أكتر للرسالة والقرآن والسنة

\*شرح حديث من أحاديث النبي في كتاب صحيح البخاري👆🏻🤍\*

_*قـرب مـن ربـنـا وابـدأ صـفـحـة جـديـدة وخـد قـرار الـتـوبـة مـن ڪـل حـاجـة بـعدتـك عـن ربنـا الـلي مـش بـيصلـي يـبـدأ يـنتظـم ويـجاهـد ضـد ذنـوبـه وما تصغر أي ذنـب مـهمـا ڪـان، مـمڪـن الـذنـب ده هـو الـسبـب الـرئـيسـي فـي بـعـدك عـن ربـنـا،لـو مـنتظـم فـي الـصـلاة صـلـي الـنـوافـل واعـمـل وِرد قـرآن،وأنـوي الـتـوبـة ڪـل يـوم وڪـل لـحظـة عـشـان مـافي ضـما ن أنـك تـعـيـش لـبـڪـرة🩷💐

*** قم بتنزيل NovelToon للاستمتاع بتجربة قراءة أفضل!***