...استمتعوا ...
.......
.......
.......
...🌼🌼🌼...
...كان يوم عادي في متوسطتهم، التلاميذ دايرين جمايع جمايع في الساحة الكبيرة هاذيك يستناو في تحية العلم تبدا باش يفوتو يوم جديد من أيام الدراسة بينما في الجهة الأخرى من الساحة وين الأقسام كان واقف رامي في باب الكلاسة تاعهم رافد ساكودو تاعه على كتف واحد، ويراقب في البقية يشوف في الفوضى لي دايرينها بطبعه ما يحبش الفوضى والحس مع الصباح ...
...في نفس الوقت في الباب الكبير تاع المتوسطة جا داخل نيار يمشي بهدوء عينيه يشوفو غي قدامه وحكم طريق طول للصف تاعه وقف آخر واحد وقفة مستقيمة جاهز للنشيد قشه نظيف مرتب تقول بالمسطرة الطبلية هاديك محددة ومريقلة ع التمام تقول جديدة وغالقها على آخر قفلة شعره ممشوط ل لور ومرتب مثال على التلميذ المثالي مافيهش غلطة ...
...أول ما شافه رامي راح يجري لوين واقف ووقف وراه وقرب عنده يشم في ريحته النظيفة وطبطب على كتفه ثلاثة مرات باش يتلفت ليه ...
..."صباح الخير نيار" ...
...كي جا نيار رح يتلفت ليه ويرد عليه خرج المدير والأساتذة من الإدارة وبداو التلاميذ يتستفو في صفوفهم أجل نيار الهدرة لبعد التحية ...
...في القسم قعدو نيار ورامي في بلاصتهم الصف الأول من جهة الباب طابلة رابعة -عند العرصة لي يحب أمير يتخبى وراها- وهوما يقسرو مع بعضاهم بهدوء ويستنو في الاستاذة تبدا الدرس ...
...حصة تاريخ وجغرافيا فاتت بهدوءها المعتاد ...
...نيار مركز ويكتب في درسه وأي ملاحظة تقولها الاستاذة ورامي حاط راسه وساعة يسمع للاستاذة وساعة يتفرج في حبيبه ...
...علاقتهم أعمق من أخوة وأكبر من أحباء بداوها في سن صغير حبو بعضهم من صغرهم حب نقي وخالي من أي شوائب ...
...أول اعتراف كان من رامي كان بسيط ومخلط كيما مشاعره وقتها غاس بأفكاره وتذكر...
...رامي: نيار علابالك نحبك بزاف ...
...نيار: علابالي رامي حتى أنا نحبك انت أول صاحب ليا ...
...رامي: لا مش هكذا قصدي ايه نحبك خاطر انت صاحبي وخويا بصح.......
...سكت شوي وزفر بقوة مش عارف كيفاه يشرحله علاباله نيار نية بزاف وخاطيه هاذ الهدرة والأمور ...
...رامي: اسمعني مليح وافهمني جرب ...
...أنا نحبك أكثر من صاحب وأكثر من أخ أنا نحبك كحبيب بغيت نكون معاك ...
...نيار تشوكا ولسانه تعقد ولكن قلبه كان يضرب بقوة وانتشرت دغدغة في جسمه واحساس حلو بزاف احساس مشاعر ما قدرش يفسرها أول مرة يحس بيه ...
...نيار: كيفاه؟ أنا وأنت نكون boyfriend و girlfriend ...
...غمض عينيه وحرك راسه بهدوء كي استوعب وش قال ...
...نيار: قصدي boyfriend و boyfriend ...
...رامي ضحك بشوية: ههه ايه هذا وش نقصد علابالي الموضوع صعب ومش طبيعي ولكن هذا وش راني نحس ناحيتك اعطيني فرصة وخلينا نجربو ...
...نيار بقى ساكت عينيه يشوفو في رامي لي كان يحكي بكل جدية، حس روحو ضايع بين الفهم وبين الإحساس الجديد لي عمرو ما حس بيه قلبه كان يضرب بقوة وخدوده سخنو من الخجل بصح في نفس الوقت كان عنده فضول، فضول يجرب، فضول يفهم أكثر هاذ الشي لي قال عليه رامي....
...نيار بصوت هادئ ومتردد: يعني... تحبني كيما في الأفلام؟...
...رامي يضحك بشوية ويقرب أكثر: حاجة كيما هكا... بصح مش لازم تكون كيما الأفلام نقدرو نكونو إحنا وحبنا بالطريقة لي نحبّوها وتناسبنا....
...نيار عض شفايفه حس حاجة حلوة في قلبه إحساس مختلف، ما قدرش يفسرو بصح مكانش خايف منه بالعكس، حس روحو مرتاح مع رامي، معاه كان دايماً مرتاح علاش لازم يخاف؟...
...نيار بهدوء وهو يشوف في عينيه: أنا ما نعرفش كيفاه يكون هاذ الشي... بصح كي تكون معايا نكون مرتاح... يمكن هذا هو الحب لي تحكي عليه....
...رامي ابتسم ابتسامة عريضة قلبه طار من الفرحة، مد يده بهدوء ومسّك يد نيار لي كانت ترتجف شوية، من كلامه فهم لي هو موافق....
...رامي بصوت دافي: ما يهمش نيار، ما لازمش تعرف كلش من دكا غير خليني نبقى معاك ونفهمو مع بعض خطوة خطوة....
...نيار حس بالراحة شد يد رامي بيده الثانية وضحك ضحكة خفيفة: اوكي خطوة خطوة رامي....
...رامي حس قلبه طاح من الفرحة هاذ الجملة كانت تكفيه كانت العالم كامل بالنسبة ليه ...
...خرج من الذكرى تاعه على صوت جرس انتهاء الحصة ضحك بفرحة وعقد يديه مع يد نيار تحت الطابلة، بعيد على عيون التلاميذ والأستاذة....
...وهكذا، وسط فوضى القسم وسط الأوراق والكتب والسبورة السوداء، نيار ورامي بدوا قصة حبهم حب نقي، بسيط، وخارج عن كل القواعد. ...
...----------...
...في الساحة وقت الراحة كانو واقفين جماعة تتكون من نيار ووليد ووائل وشهرة وصونيا وحسام يهدرو مع بعضهم ويتناقشو وين يتلاقاو خاطر عندهم مشروع يخدموه كيف كيف كمجموعة ...
...نيار: أنا تقدرو تجو عندي ولكن مش اليوم نخلو حتى بالويكاند لأنه في الويكاند هو لي نكون قاعد ما عنديش شغالات بزاف...
...شهرة: ممم مشكلة الويكاند هذا عندي عرس ...
...صونيا ضحكت باستخفاف والاولاد كل واحد كيفاه شاف فيها ...
...حسام: من نيتك؟ ...
...شهرة: ايه لاه؟ ...
...وليد: علابالك بلي المشروع يتسلم خلال أسبوعين ولالا؟ ...
...شهرة: وي ومبعد؟ ...
...شافو فيها كامل باستغراب من هدرتها وتوتر الجو شوي كي بدا النقاش يحتد بين الزوج بنات شهرة المستهترة لي ما همها والو وصونيا الخباشة ...
...نيار: يا جماعة بهدوء بشوي برك ضرك نتفاهمو على وقت آخر يناسبنا كامل...
...تلفتت ليه شهرة وقالتلو: بلع انت شكون هدر معاك ...
...انصدم نيار منها ومن وقاحتها وسكت ولكن لي رد عليها هو رامي لي ظهر فجأة حذاهم وحمر فيها عينيه وعيط عليها...
...رامي: ياااو مالك؟ لاه تهدري معاه هك؟ ...
...شهرة: هو لي يدخل روحه في الموضوع...
...رامي تقدم عندها بشوي: حابسة نتي في مخك؟ الموضوع يخصنا كامل كيما رانا المشروع رانا نتشاركو فيه مجموعة مع بعض وكي راه يهدر معاك باحترام وهدوء يسما تهدري معاه باحترام وهدوء خير ما نتصرف تصرف ما يعجبكش ...
...الطفلة رجعت خطوة للور ورمشت عينيها من انفعاله وبقات ساكتة شوي وامبعد راحت وخلاتهم ...
...وائل: بشوي ا صاحبي ...
...شاف فيه بجنب وحقره ...
...رامي: نتلاقاو بالخميس عشية في داري أنا وهاذيك غير ما تشقاوش تقولولها خرجت من القروب ...
...امبعد شد يد نيار وجبدو من وراه وراحو ...
...كان رامي يمشي بشوي يوازي في خطوات نيار الصغيرة، البطيئة والهادئة يقود فيه جهة الاقسام هاذي البلاصة تكون فارغة تقريبا يقعدو فيها غير عباد قلال ...
...كي وصلو لهذيك الجهة، رامي حب يتأكد بلي نيار بخير، خاطر علابالو بلي يحشم ويبقى يخمم في الموقف لأنها احراجتو قدام جماعة الكلاسة وقف قدامه وحط ايديه على كتافو بلطف وضغط عليهم شوي كطريقة تريحو وتحسو بلي راه معاه، شاف فيه وحط عينو في عين نيار بكل اهتمام....
...رامي: نيار، ما تخلّيش هدرة كيما هذي تأثر عليك، ما تستاهلش حتى تفكر فيها صحا؟ علابالي احرجاتك قدامهم وانت نيتك صافية بصح هاذي مش حاجة تحشمك وهاذوك عباد ما لازمش تحشم منهم موالفين بالبخص كثر من هك هوما ...
...نيار كان مزال حاسس شوية إحراج من الموقف، بصح نظرة رامي المليانة حنية خلاته يحس براحة. زفر بخفة وهز كتافه: ماشي مشكلة، ما كنتش متوقعها تهدر معايا هكذا برك......
...رامي ابتسم ابتسامة خفيفة، هز يده ومسح على خد نيار بلطف: المهم متخليش حتى واحد يحسسك بلي كلامك ما عندو قيمة، ولا تستصغر روحك تفهم؟...
...نيار حس بحرارة خفيفة تنتشر في خده من لمسة رامي، بصح ما تهربش بعينيه كي العادة، بالعكس بقى يشوف فيه وحرك راسه موافق....
...بصوت هادئ: اوكي فهمت...
...رامي جبد ايديه ورفد ذراعو حطها ورا رقبتو ومشى معاه: هيا نرجعو قبل ما تصوني...
...مشيّو مع بعض بخطوات هادئة نيار طلع راسه يشوف في وجه رامي هذي الحاجة ماكانتش جديدة عليه كان دايما يحب يتأمله كان شباب بزاف تعجبو شخصيتو يتمنى يولي كيفه واثق وذكي وفايق ويعرف يتصرف في أي موقف يتحط فيه ...
...🌼🌼🌼...
...علابالي بارت قصير بصح الرواية عاملة هكا ...
...الفصول رح تكون كلها هكذا قصيرة شوي ...
...حطولنا تصويت وتعليق ...
...وأعطوني آراءكم بكل حرية وصراحة ما تخافوش عندي الديموقراطية أنا 🔪😈...
تنزيل على الفور
novel.download.tips
Comments