انت ..... انت ازاى لا مستحيل انت ...... انت اكيد بتهزر صح ؟!

قبل 1سنين .........

افف اخيرا ، انا بجهز لسفرى لتركيا انا ورويدا صحبتى حلمنا انه نروح تركيا من واحنا صغيرين واخيرا حققناه هنخش جامعه فنون جميله ونعيش هناك .

                           ابويا :يلا ياحبيبتى ع متتاخريش عمر مستانيكى برا

                               ريم :عمر، ماشى انا جايه اهو

نسيت اعرفكو ع البطلة اسمها ريم لسه داخله كليه اول سنه عمر ده يبقى خطيبها هو كان بيحبها واتقدملها قبل ما تسافر وى وافقت وهيسافرو سوا ورويدا صاحبتها معاهم ، هى بنت عندها غمازه وكمان عينيها بنى وبشرتها قمحاويه وقموره اووى دى البطلة

                                  عمر :ايه اتاخرتى كدا ليه ؟!

                               ريم : ماشى فى ايه علفكره انا مسافره !

                    عمر : ماشى يا ست المسافره يلا ع منتاخرش علشان لسه هنروح لروايدا

راحو لروايدا هى اسمها روايدا بس مش بتحب اسم روايدا بتحب الناس تندهلها ب جنة راحو وقعدوا هناك طبعا على ما جهزو خالص وبعدين نعدى كل اللحظات دى ونبدأ بقا لما يروحو لتركيا جنه وريم بيروحو الجامعه وبعدين بيتعرفو هناك على الابلوات اللى بيخليهم يروحو ع الجامعه الاول انه هما اصلا هيروحو السكن هيقعدو فيه بس عمر هيشوف غرفه صغيره يقعد فيها لانه هو اصلا مخلص الجامعه بتاعته ف مصر هو كان ف جامعه تكنولوجيا ومعلومات وهيشتغل ف تركيا 🇹🇷 وبيكونو تعبانين وفنفس الوقت عاوزين يلفو اسطنبول

                        عمر : ايه رايكو الاول نرتاح لحد بليل وبعدين نخرج بليل ؟؟

                                   ريم : اه انا بقول كدا بردو

                                  جنه : ماشى مش فارقه

...كانت الساعه حوالى 12 الظهر راحو السكن ونامو وبعدين صحيو الساعه 6 المغرب تقريبا وجهزوا نفسهم ريم وجنه وقعدو يتفرجو ع كل حاجه كانو عاوزين يشوفوها وكانو مبسوطين اووى لدرجه لا توصف بجد وبعدين كلو وشربو شاى تركيا اخيرا وكلو آيس كريم كمان وعمر قال انه شاف شركه هيروح يشوفها بكره لو ينفع يشتغل فيها...

اليوم التالى

*

*

...ريم وجنه راحو الجامعه وعمر راح الشركه وبعد ما رجع جه ع السكن وقعد هو وريم ف الصاله وجنه كانت ف الاوضه بتاعتها...

عمر : بقولك يقلبى!

ريم : ايه ي عمر ؟

عمر بيحكي عن اللى حصل معاه انهارده ف الشركه وبيقولها انه المدير بتاعه عازمو علشان يحتفلو مع بعض وهو مرفضتش علشان كل الموظفين بيقولوه انه هو مدير صعب ومش بيقول اى حد علشان اخلى علاقته معايا حلوه يعنى

ريم : ماشى ايه اللى فيها ؟!

عمر : اصل انا عاوزك تيجى معايا علشان مروحتش لوحدى وغير كدا كلهم هيكونو تركين وانا هكون لوحدى تعالى معايا ونبى متقوليش لا

ريم : عمر انت عارف انى مش بحب التجمعات دى

عمر : عارف والله حقك عليا ، علشان خطرى بقا

ريم : ماشى هشوف جنه واجى (بزهقان وكسل )

ريم : روايدا !!

جنه : نعم ، هو ميه مره اقولك مش بحب اسم روايدا ده اسمى جنه اغنيها

ريم : ماشى يا استاذه جنه ، هو الصراحه عاوزة اطلب طلب صغير قد كدا 🤏🏻

جنه : لا

ريم : ايه ده هو انا لحقت اتكلم 😕

جنه : اهو من قبل ما تتطلبى

ريم : بقولك تعالى نروح مع عمر يحتفل بشركته علشان مديره عازمو وهو مش عاوز يروح لوحده ف تعالى ع نروح مع بعض ونبى علشان خطرى ف ثانيه وهنرجع مش هنتاخر ف ثانيه واحده بس ونبى (بس بتتكلم بسرعه اووى علشان جنه متقطعهاش 😂)

جنه : طب اهدى فى ايه اهدى شويه اتنفسى !

ريم : طب هتيجى علشان خطرى please

جنه: ماشى خلاص جايه 😏

راحو المكان اللى المدير باعته ل عمر واتاخرو شويه على ما راحو علشان الطريق وكمان على ما جنه وريم جهزو ريم لبست فستان اسود بس مش مبالغ فيه بحمالات كدا وشعرها رفعت حبه لفوق وسابت الباقى (مش عارفه اسم التسريحه 😅😅😅)المهم راحو المكان كان فخم اووى وكان فيه ناس كتير ولونه كان حلو اووى وهما داخلين لاقوه صحافه كتير اويي راحو على عربيه لونها اسود ونازل منها شاب شعره ويفى وعيونه بنى فاتح ولي غمازه وبشرته قمحاويه لابس قميص اسود والبنطلون اسود كأنه سوت وفاتح اول زرارين من القميص وى اوفر سيز ولي دقن شويه كدا

عمر : اه ، هو ده مديرى

جنه : اففف ، ده مديرك مز اووى الصراحه

وريم واقفه مصدومه من الجمال حرفيا دى هى مواصفات فتى الأحلام بجد كان قمور اووى وبعدين فاقت من الصدمه كدا وقالت : عادى يعنى زيه زى اى واحد ف اللحظه دى كان هو وصل عند الباب اللى هما كانو واقفين عنده

عمر : merhaba, hocam(ازيك يا استاذ بالتركي ) مردش عليه ودخل وريم كرهته بعد ما شافت الموقف ده لانه ؛ باين عليه التكبر اووى

دخلو المكان وكل البنات كانو مبهورين بجمال فريد وجت بنت عليهم وباست فريد

البنت اللى جت : ايه مش هنتعرف (بالتركي )

المدير :Adım Farid ve Mısır’dan geliyorum (أسمى فريد ومن مصر )

عمر : بجد يعنى مش لازم تركى

فريد : ابتسم ابتسامه خفيفه كدا وبس

البنت : Adım telin

جنه مش انتو مصريين ؟!

تولين : انا مصريه ، بس علشان قاعده هنا من وانا صغيره مش متعوده مصرى ، وريم بتقول اسمها وبعدين فريد نده للجرسون ،وطلب مشروب، وتولين طلبت عصير ،وريم طلبت مايه ،وعمر طلب ليمون مع صودا ،وجنه خديت صودا بس .

مكنش فيه حد بيتكلم خالص عمر اتكلم بس ف انه قد اي مبسوط علشان اشتغل مع فريد

ريم : يلا ، انا همشي، عمر: احنا لحقنا يروحى !!

فريد : لسه سهرتنا مخلصتش ، ريم مشيت ومرديتش عليه وجنه قامت بعدها وعمر استأذن من فريد وخرج ، تولين : حبيبى انت ازاى وظفته ده باين عليه ميعرفش حاجه ف تركيا ولا حتى فالشغل ، فريد : بص بصه بارده ومردش خرجو والجو مطر وطبعا دى احلى حاجه في تركيا اصلا فضلو واقفين ف المطر شويه وفريد وتولين خرجو وفريد شافهم وقلهم يركبو معاه العربيه لانه مكنش فيه مواصلات خالص ركبو وكانو قاعدين وضع sealant ف العربيه وبعدين العربيه اتعطلت بعد شويع من المشى ، فريد: البيت بقا قريب يلا تعالو ، ريم : لا شكرا هنمشى

عمر :هنمشي فين انتى مجنونه ؟!

جنه : تعالى لحد لما المطر يخلص ، ريم لسه هنتكلم لقيت برق ورعد

فريد: يلا بسرعه ، مشيو وكان البيت كبير أو كانت فيلا اصلا على البحر وادانا هدوم من بتاعته لعمر واداه ريم وجنه تيشرتين كده علشان ميبردوش و غيره ونزلو ، لاقوه انه فريد عمل قهوه للكل وكلهم خدوه قهوه ماعدا ريم ، فريد: ايه يا ريممش بتاخد قهوه ليه ؟؟

ريم : مش بحب القهوه

تولين : ازاى هو فى حد مش بيحب القهوه التركيه؟!

ريم : اه ، انا مش بحب اى نوع قهوه (ببرود )

فريد "اتفضلي " كان عمل شاى ، ريم : شكرا ، مكنش فيه داعى

وقاعدو يتكلمه مع بعض كتير وفريد كان بيتكلم بس تحسيه محافظ على الكريزما بتاعته بقله كلامه ، فضلو قاعدين والجو بيبوظ اكتر واكتر من الاول كمان بيزيد مطر ، فريد : ايه رايكو تقعدو هنا لحد بكرا

عمر : لا يابيه منبقاش تقال اكتر من كدا انت بس لو تجبلنا عربيه تبقى عملن اللى عليك وزياده والله ، فريد قعد يدور بس كل العربيات بتعتذرو علشان المطر مش هيعرف يمشى فيه وده حقيقى المطر كان جامد اويي

فريد : خلاص خليكي هنا ، ريم : لا شكرا ، هنمشى (ببرود )

جنه : اتهدى بقا هنمشى فين فى الجو ده !!

عمر : والله ما عارف اقول لحضرتك ايه بس هنعمل اي بقا (بضحكه كسوف 😅)

فريد : لا ولا يهمك ، هضبط الاوض

ريم: انت اللى هتعملها

فريد : اه ، علشان مش بحب حد يعملى حاجه ومفيش خدم ( بابتسامه )

اداهم الاوض وكل واحد راح ينام وريم كانت لابسه بنطلون اسود مريح وى واسع على بلوزة سودا وفيها حاجات بيضا ومفتوحه من قدام مش اويي ومن ورا الضهر بس من تولين خت انا وجنه وفريد لبس تيشرت لونه ابيض على شروال اسود وريم قامت فنص الليل علشان مش عارفه تنام وجعانه خرجت تتدور على المطبخ طبعا لفيت البيت بس من غير داعى يعنى ملقيتش المطبخ بردو 😂 كانت الاوضه بتاعتها هى وجنه وعمر جنب بعض راحت لجنه بس كانت نايمه وبعد شويه خرجت تلف تانى

فريد : مين ؟ مين هنا ؟!

ريم : يماما ، والله معملتش حاجه انا ...... انا كنت ولسه بتكمل راح فريد قاطعها بصوت ضحكه

فريد : هههههههه 😂😂 اهدى انا فريد ،انت كويسه ؟؟

ريم : وانا اللى كنت مفكرك حرامى.

فريد : حرامى !!ههههههه احنا مش ف مصر هنا

ريم : ههههههه (بتريقه )

فريد : ايه اللى مصحيكى دلوقتى ؟!

ريم بخوف شويه : انا ...... انا كنت مش جايلى نوم

فريد: وانا بردو ، وجعان اويي ايه رايك تعملى اكل ، بتعرفي؟؟

ريم : يعنى مش اويي على قدى كدا هههه😅😅

فريد : طب تعالى يلا

ريم : اجى فين!! (شدها من ايديها )

راحو المطبخ وقعدو يعملو اكل كتير بس بسيط يعنى بيض وجبن وعسل وسميت وطماطم وخيار مقطعين والحاجات دى وطبعا الشاى التركى واتكلمو كتير وعرفو حاجات عن بعض كتير واتفرجو على فيلم ونامو ف الصاله

اليوم التالى

*

*

جنه : قومى يلا ...... ع الجامعه هنتاخر كدا من اول اسبوع يلا اخلصى بسرعه

ريم اول لما صحيت قامت بسرعه وجريت على برا علشان لسه هيروحو يغيرو الهدوم بتاعتهم من السكن بتاع الجامعه علشان همل قاعدين فيه اصلا راحت هى وجنه الجامعه وبعد الدروس والمحاضرات قعدو يلفو ف الجامعه شويه و راوحو وهما ماشين ف الطريق :

جنه : هو انتى ايه اللى مخليكى نايمه ف الصاله ومع فريد ؟!

ريم : مفيش ده كان جعان وانا بردو ف اكلنا واتفرجنا على فيلم علشان مكنش جايلنا نوم ونمنا واحنا بنتفرج ، هو عمر شافنا ؟؟

جنه : لا اصلا احتمال يكون لسه نايم علشان مرنش عليكى

ريم : اه ، مرنش

جنه : هو مش ده نفسه فريد المتكبر ولا انا بيتهيألي

ريم : لا والله ، ده طلع مش متكبر خالص

جنه : ههههههههه

ريم : بقولك ايه اسكتى بقا هههه

جنه بضحك : ماشى يستى